Bakıda velosiped oğrusu tutuldu

20:38 | 28.05.2020
Bakıda velosiped oğurlamaqda şübhəli bilinən şəxs saxlanılıb.

Oxu.Az xəbər verir ki, Daxili İşlər Nazirliyinin (DİN) "102” Xidməti-Zəng mərkəzinə mayın 23-də paytaxtın Xətai rayonu ərazisində Rəvan Şiriyevə məxsus velosipedin oğurlanmasına dair məlumat daxil olub.

Məlumat əsasında Xətai Rayon Polis İdarəsinin (RPİ) 37-ci Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində, velosipedi oğurlamaqda şübhəli bilinən Naxçıvan şəhər sakini - 1980-ci il təvəllüdlü O.Məmmədov müəyyən olunaraq saxlanılıb. 

Araşdırma zamanı O.Məmmədovun daha əvvəl Cinayət Məcəlləsinin 177 və 220-ci maddələri ilə məhkum olunduğu məlum olub. 

Faktla bağlı araşdırma aparılır

www.anews.az

Tərəfdaşların xəbərləri

REKLAM