Bu gündən etibarən Bakı şəhərində yeni, 2015/2016-cı tədris ilinin başlanması ilə əlaqədar avtomobil yollarında hərəkəti asanlaşdırmaq və sıxlığın qarşısını almaq məqsədilə Nəqliyyatı İntellektual İdarəetmə Mərkəzi (NİİM) "yaşıl dalğa"ların (işıqforlarda ardıcıl yaşıl işıqların yanması) sayını artırır.

Həmin küçələrin adları artıq müəyyənləşdirilib:

"Yaşıl dalğa" prinsipi ilə işləyən küçə və prospektlər
№	Hərəkət istiqaməti
1	Abbasqulu ağa Bakıxanov küçəsi
2	Rəşid Behbudov küçəsi
3	Tbilisi prospekti
4	Üzeyir Hacıbəyov küçəsi
5	Zərifə Əliyeva küçəsi
6	Akademik Həsən Əliyev küçəsi
7	Alfred Nobel prospekti
8	Hüseyn Cavid küçəsi
9	Bülbül prospekti
10	Səməd Vurğun küçəsi
11	Cəfər Cabbarlı küçəsi
12	Hənifə Ələsgərova küçəsi
13	Təbriz küçəsi
14	Abbas Mirzə Şərifzadə küçəsi
15	Qara Qarayev prospekti

Qeyd edək ki, "yaşıl dalğa"lar əsasən təhsil ocaqları olan ərazilərdə həyata keçirilir, yəni universitetlər, texnikumlar və orta təhsil müəssisələri olan əraziləri əhatə edir. 

Qeyd olunan küçələrdə işıqforun ardıcıl olaraq yaşıl yanması, yəni həmin ərazidə avtomobillərin dayanmadan hərəkəti nəzərdə tutulur. Həmin ərazilərdə "yaşıl dalğa"ların sayı xüsusilə artırılıb və bu proses davam edir.