Qara Qarayev prospektində rekonstruksiya işlərinə başlanılıb. Uzunluğu 3 km olan prospektdə bütün səki hədləri və asfalt örtüyü dəyişdiriləcək. Köməkçi yollar təmir olunacaq və yeni işıq sistemləri quraşdırılacaq. Bu barədə Day.Az saytına Nizami Rayon İcra Hakimiyyəti başçısının müavini İldırım Mehdiyev bildirib. Onun sözlərinə görə, yolun genişləndirilməsi nəzərdə tutulmur. Çünki prospekt özü genişdir. Genişləndirməyə ehtiyac yoxdur. Prospektdə yerüstü keçidlərin tikiləcəyi barədə suala cavab verərkən icra hakimiyyəti rəsmisi bildirib ki, buna ehtiyac yoxdur. Prospektdə parkın yanında yeraltı keçid var. ANN.Az