Bakı 2015 Avropa Oyunları Nar Mobile şirkətini rəsmi tərəfdaşı elan edir - FOTOLAR

Bakı 2015 Avropa Oyunları Azərbaycanın ən sürətlə inkişaf edən mobil operatoru Nar Mobile ilə yarışların rəsmi mobil telekommunikasiyalar xidməti təminatçısı olması haqqında müqavilə imzalayıb. Müqaviləyə əsasən “Nar Mobile” şirkətinin ilk Avropa Oyunlarını Azərbaycanın bütün ərazisində geniş şəkildə reklam edən ilk milli tərəfdaş olması nəzərdə tutulur.“Nar Mobile” şirkəti çoxplatformalı reklam kampaniyaları vasitəsilə Oyunlar ilə bağlı məlumatlılığı artıracaq. Həmin reklam kampaniyalarına mobil operatorun öz müştəriləri üçün idman yarışlarına bilet qazanmaq imkanları da daxil olacaq.Qeyd edək ki, Bakı 2015 Avropa Oyunları 2015-ci ilin 12-28 iyun tarixlərində keçiriləcək.Bakı 2015 Avropa Oyunları ümumilikdə 19 idman növü üzrə keçiriləcək. Bunlardan 16-sı Olimpiya idman növü və 3-ü qeyri-olimpiya idman növü olacaq.ANN.Az