Çempionlar Liqasının qrup mərhələsində bu gün ÇSKA-nın qonağı olacaq "Bavariya" qarşılaşma öncəsi çox narahatdır.Qol.A-ın Almaniya mətbuatına istinadən verdiyi məlumata görə, buna səbəb görüşün keçiriləcəyi "Ximki Arena"nın stadionunun meydançasının qara bürünməsidir. Dünən axşam qarın yağması nəticəsində stadionun ot örtüyü demək olar ki, yararsız vəziyyətə düşüb.Münhen təmsilçisinin baş məşqçisi Pep Qvardiola bu hava şəratinin qarşılaşmaya təsir edəcəyini bildirib: "Bu şərtlərdə futbol oynamaq hər iki komanda üçün çətin olacaq"."Bavariya"nın futbolçuları van Buyten və Tomas Müller isə ispan mütəxəssisdən fərqli düşünür. Hesab edirlər ki, bu hava şəraiti onların oyununa təsir etməyəcək.ANN.Az