"Mən Elon Musk və onun zəngin dostlarının seçkiləri almağa çalışmasından bezmişəm", - Bayden yazıb.
Daja sonra Bayden öz postuna Demokratlara ianə vermək üçün vebsayta keçid linkini əlavə edib. Dövlət başçısı həmçinin Respublikaçılar Partiyasından namizəd Donald Trampın Maskla fotosunu da postun içinə yerləşdirib.
İyulun 15-də Respublikaçılar Partiyasının qurultayında Trampın özü rəsmən ABŞ prezidentliyinə namizəd olub.
CNN mənbələri iddia etdi ki, Mask şəxsən Trampa dostu Ohayo senatoru J.D. Vanceni özünə vitse prezident müəyyən etməyi xahiş edib.
Bloomberg və The Wall Street Journal (WSJ) Maskın Tramp kampaniyasının sponsoru olmağa qərar verdiyini yazıb. WSJ-nin məlumatına görə, iş adamı bu iş üçün hər ay 45 milyon dollar ianə etməyə qərar verib. Qəzet yazır ki, Maskın Tramp kampaniyasına edəcəyi ianə Amerika PAC adlı siyasi fəaliyyət komitəsi xətti ilə istifadə olunacaq. Bu qurum siyasətçinin seçki qərargahı ilə birbaşa bağlı deyil.
Daha əvvəl WSJ yazmışdı ki, son vaxtlar Mask və Tramp əvvəllər bir-birini tənqid etsələr də, sahibkarın təşəbbüsü ilə ayda bir neçə dəfə zəngləşir. Trampa qarşı uğursuz sui-qəsd cəhdindən sonra Mask onu dəstəklədiyini bildir vərək söyləyib ki, Teodor Ruzveltdən sonra təxminən yüz ildir ABŞ-da "belə yaxşı namizəd” olmayıb.
N.Təbrizli
www.anews.az
Bizi sosial şəbəkələrdə izləyin !