Ukraynanın Türkiyədəki səfiri Vasili Bodnar Euronews telekanalına müsahibəsində Rusiya ilə müharibə başa çatdıqdan sonra Ukraynada Bayraktar pilotsuz uçan aparatlarının istehsalı üzrə "Baykar Makina” zavodu tam fəaliyyət göstərəcək.
Diplomat qeyd edib ki, Kiyev müdafiə sektorunda türk şirkəti ilə fəal əməkdaşlıq edir: "Biz "Baykar Makina” ilə müxtəlif ölçülərdə, o cümlədən zavodun yaradılmasında işləyirik”.
Ukrayna səfiri təhlükəsizlik baxımından zavod haqqında ətraflı məlumat verməkdən imtina edib, lakin bununla bağlı irəliləyişin nəzərə çarpdığını qeyd edib. O, Kiyevin Türk Aerokosmik Sənayesi (TAI) ilə əməkdaşlıq etdiyini də vurğulayıb.
Keçən il Ukrayna Müdafiə Nazirliyi və "Baykar Makina” şirkəti Ukraynada pilotsuz təyyarələrin təmiri və texniki xidməti üçün xidmət mərkəzinin tikintisinə dair müqavilə imzalayıb. Belə bir obyektin yaradılması Kiyevin müdafiə qabiliyyətinin gücləndirilməsinə mühüm töhfə verəcək, o zaman Müdafiə Nazirliyi qeyd edib.
Xalidə Əliyeva
www.anews.az
Bizi sosial şəbəkələrdə izləyin !
