Suriya Prezidenti Bəşər Əsəd ailəsi ilə Rusiyaya gəlib və Rusiya hakimiyyəti tərəfindən sığınacaqla təmin edilib. Bu barədə bazar günü Rusiya xəbər agentlikləri Kremldəki mənbəyə istinadən məlumat yayıb.
"Suriya Prezidenti Bəşər Əsəd Moskvaya gəlib. Rusiya humanitar əsaslarla ona (və ailəsinə) sığınacaq verib", - Interfax xəbər agentliyi adı açıqlanmayan mənbəyə istinadən bildirib.
Bu arada Suriya müxalifətinin liderləri Suriyada yerləşən Rusiya hərbi bazalarının və diplomatik missiyalarının təhlükəsizliyinə zəmanət veriblər. Bu barədə bazar günü Rusiya xəbər agentlikləri Kremlin mənbəsinə istinadən məlumat yayıb.
"Rusiya rəsmiləri Suriya silahlı müxalifətinin nümayəndələri ilə əlaqədədirlər və onların liderləri Suriyanın ərazisindəki Rusiya hərbi bazalarının və diplomatik qurumlarının təhlükəsizliyinə zəmanət veriblər", - TASS dövlət xəbər agentliyi bildirib.
N.Təbrizli
www.anews.az
Bizi sosial şəbəkələrdə izləyin !
