"Beşiktaş" uzun müddətdir transfer etmək istədiyi Ronaldinyoya 2 illik müqavilə təklif edib. Braziliyalı ulduzun meneceri, həm də böyük qardaşı Roberto Assis İstanbulda "Beşiktaş"ın vitse-prezidenti Əhməd Nur Cebi ilə görüşüb. Görüşdə klubun idman direktoru Öndər Özen də iştirak edib. 

Məlumata görə, İstanbul klubu Ronaldinyoya illik 6 milyon avro olmaqla 2 illik müqavilə təklif edib. Klubun İdarə Heyətinin üzvü Əhməd Kavalcı Ronaldinyonun transferini sponsorlar vasitəsi ilə həyata keçirmək istədiklərini bildirib: 

"Ronaldinyo ilə rəsmi transfer danışıqları başladı. Xərcini sponsorlar vasitəsilə qarşılamaq istəyirik".

Ronaldinyonun İstanbul klubunun təklifinə ən gec 1 həftə ərzində dəyərləndirəcəyi gözlənilir.

ANS Press