Apellyasiya Məhkəməsi Bəxtiyar Hacıyevin girov müqabilində azadlığa buraxılmaması ilə bağlı şikayətini təmin etməyib. Bu barədə onun vəkili Aqil Layıc məlumat verib
Məhkəmə keçirilən iclasda şikayəti əsassız hesab edib.
Hacıyev Cinayət Məcəlləsinin 221-ci (xuliqanlıq) və 289-cu (məhkəməyə hörmətsizlik) maddələri ilə təqsirli bilinib.
Hacıyev jurnalist Ülviyyə Alovlunun şikayəti ilə xuliqanlıqda ittiham olunur və bir-birini böhtanda ittiham edirdilər.
Hacıyev dekabrın 15-də həbsinə etiraz olaraq aclıq aksiyasına başlayıb. 29 dekabrda, o, yaxınlarının təkidi ilə aclığı dayandırıb. Lakin yanvarın 8-dən etibarən o, yenidən aclığa başlayıb. Buna səbəb onun ev dustaqlığına buraxılması ilə bağlı müraciətinin məhkəmə tərəfindən təmin edilməməsi olub.
Hacıyev ev dustaqlığına buraxılması ilə bağlı appelyasiyaya iki dəfə müracət ünvanlasa da, şikayəti təmin olunmayıb.
Yanvarın 9-da Bəxtiyar Hacıyev məhkəmə zalında həbsinə etiraz olaraq aclığa başladığını bildirib və hazırda aclığı davam etdirir.
Yanvarın 21-də Hacıyevin həbs müddəti 2023- cü ilin fevralın 28- dək uzadılıb.
Lida Abbaslı
www.anews.az
Bizi sosial şəbəkələrdə izləyin !