Beynəlxalq Cinayət Məhkəməsi Rusiyaya qarşı cinayət işi açacaq

Beynəlxalq Cinayət Məhkəməsi (ICC) Rusiyaya qarşı Ukraynada  törətdiyi cinayət  iddiası ilə  iki iş açacağını bildirib. Bu barədə Amerikanın The New York Times nəşri məlumatlı mənbələrə istinadən məlumat yayıb.

Qəzetin yazdığına görə, BCM-də baxılan işlərdə Rusiya "Ukraynalı uşaqları oğurlamaqda” və "Mülki infrastruktura qəsdən zərbə endirməkdə” ittiham oluna bilər.

 

Mənbələrin bildirdiyinə görə, ICC, həmçinin bir neçə nəfərin həbsinə order verilməsini tələb edəcək.

Eyni zamanda, məhkəmə işlərə qiyabi baxa bilmədiyi üçün real mühakimə ehtimalı əhəmiyyətsiz olaraq qalır və Rusiya Federasiyası öz vətəndaşlarını ona ekstradisiya etməyəcək.

Rusiyanın xarici işlər naziri Sergey Lavrov RİA Novosti agentliyinə müsahibəsində Qərbin Rusiyaya qarşı ondan Ukraynada xüsusi əməliyyata görə təzminat tələb edilməsi təkliflərini beynəlxalq hüququn kobud şəkildə pozulması kimi qiymətləndirib.

Daha əvvəl Ukrayna İrana qarşı Beynəlxalq Cinayət Məhkəməsinə şikayət edəcəyini bildirmişdi.

Kiyev Rusiyanın Ukraynanın enerji və mülki infrastrukturuna hücum etmək üçün istifadə etdiyi İranın pilotsuz təyyarələrlə təmin edilməsi məsələsinə məhkəmədə baxılmasını istəyib.