Bəzi məntəqələrdə seçkilərin nəticələri ləğv olunub
11.02.2024 17:01
Mərkəzi Seçki Komissiyası seçkilərdən sonra 11 seçki məntəqəsinin nəticələrini ləğv edib.
Bu barədə MSK sədr müavini Rövzət Qasımov deyib.
"Seçkilərdən sonra sosial şəbəkələrdə yayımlanan pozuntular araşdırılıb. Bəzi qanunsuzluqlar aşkar edilib. Həmin məntəqələrin nəticələri ləğv olunub",- o fevralın 11-də MSK-nın iclasında bildirib.
Pozuntular aşkar edilən məntəqələrin siyası:
41 saylı Gəncə-Samux-Goranboy Seçki Dairəsinin 38 saylı, 61 saylı Qusar Seçki Dairəsinin 7 və 27 saylı, 65 saylı Salyan-Biləsuvar-Neftçala Seçki Dairəsinin 9 saylı, 68 saylı Sabirabad-Şirvan Seçki Dairəsinin 2 saylı, 77 saylı Lənkəran Seçki Dairəsinin 7 və 31 saylı, 92 saylı Göyçay-Ağdaş Seçki Dairəsinin 6 saylı, 99 saylı Bərdə Seçki Dairəsinin 2 saylı, 114 saylı Şəki Şəhər Seçki Dairəsinin 1 saylı, 115 saylı Şəki Kənd Seçki Dairəsinin 6 saylı seçki məntəqələrinin nəticələri ləğv edilib və həmin seçki məntəqələrinin komissiyaları buraxılıb.
www.anews.az
Foto 
Video 
