Bəzi rayonlarda avtobusların köhnə olması problem olaraq qalır

Regionalarda müasir tipli avtobusların təşkil edilməsi Azərbaycan Yerüstü Nəqliyyat Agentliyinin diqqət mərzəkində olan məsələdir. Bunu rəqəmsal inkişaf və nəqliyyat nazirinin müavini Rəhman Hümmətov jurnalistlər üçün keçirilən brifində deyib.

 

"Məsələ diqqət mərkəzimizdədir. Ən çox Bakı və Abşeron cəlb olunmağımız görünsə də, son dövrlərdə regionların problemləri ilə yaxından maraqlanırıq. İstər problemlərin aşkar olunması, istərsə də onların həlli istiqamətində işlərin görülməsi əsas məqsədlərdəndir. Deməzdim ki, bütün regionlarda avtobusların köhnə olması məsələsi aktualdır. Bəzi şəhərlərdə müasir tipli avtobuslar fəaliyyət göstərir. Amma bununla yanaşı bəzi şəhərlər də var ki, burada ictimai nəqliyyatın köhnə olması ilə bağlı problemlər qalır. Burada əlavə səylərin göstərilməsinə də ehtiyac var", - nazir müavini bildirib. 

 

Hümmətov vurğulayıb ki, şərait imkan verdiyi təqdirdə AYNA tərəfindən tenderlər elan olunaraq yeni avtobusların təmin olunması təşkil edilir. 

 

Gülnar Nazimqızı