"Qafqazinfo” xəbər verir ki, bu iki qəhrəman şəhidimizin şəhadətə qovuşduqları gündə onların sakini olduğu Biləsuvar rayonunda anım mərasimləri keçirilib.
2016-cı ildən Dövlət Sərhəd Xidmətində baş leytenant hərbi rütbəsində pilot kimi xidmətə başlayıb. Xalid Gözəlov Azərbaycanın ərazi bütövlüyü uğrunda 27 sentyabr 2020-ci il tarixdə başlayan Vətən Müharibəsində iştirak edib, düşmən cəbhəsinin yarılmasında xüsusi rəşadət göstərərək qəhrəmancasına şəhid olub.
Şəhid X.Gözəlov 28 sentyabr 2020-ci ildə Bakı şəhərində II Fəxri Xiyabanda dəfn edilib. Şəhid baş leytenant Ali Baş Komandan İlham Əliyev tərəfindən "Vətən uğrunda” medalı, 3-cü dərəcəli "Vətənə xidmətə görə” ordeni və "Qubadlının azad olunmasına görə medalı” ilə təltif edilib.
Amid Eldar oğlu İsmayılov isə 1988-ci ildə Biləsuvar rayonunun Təzəkənd kəndində doğulub. 2006-2008-ci illərdə həqiqi hərbi xidmət keçdikdən sonra müddətdən artıq hərbi xidmət qulluqçusu kimi hərb fəaliyyətinə başlayıb.
Vətən Müharibəsinin ilk uğurlu hücum əməliyyatlarında iştirak iştirak etdiyinə görə şəhidimiz ölümündən sonra "Vətən uğrunda” və "Füzulinin azad olunmasına görə” medalları ilə təltif edilib.
Atası Birinci Qarabağ savaşında iştirak edən şəhid A.İsmayılov ailəli idi, bir övladı yadigar qalıb.
www.anews.az
Bizi sosial şəbəkələrdə izləyin !
