Binə sakinləri "Azərsu" ASC-ni rüşvət istəmədə günahlandırır - ŞİKAYƏT
02.06.2023 17:52
Binə qəsəbəsi Südçülük Sovxozunda bəzi evlərin sakinləri su təminatı problemindən əziyyət çəkir. Onlar aidiyyatı üzrə qurumlara müraciət etdiklərini və qarşılığında onlardan rüşvət istənildiyini bildirib. Bu barədə anews.az-a açıqlamasında sakinlər özləri məlumat verib.
Adı çəkilən ərazidə yaşayan Vüqar Orucov onlardan biridir. Onun sözlərinə görə, evinin 50 metrliyində su xətti olsa da həmin xətdən yarralana bilmir.
"25 ildən artıqdır ki, bu ərazidə ev tikib yaşayıram. Evim qaz və işıq sistemi ilə təmin olunsa da, su təminatı ilə bağlı problem həll olunmur. Dəfələrlə aidiyyatı qurumlara müraciət etmişəm. Lakin heç bir tədbir görülməyib. Evimin 50 metrliyində su xətti olsa da, mən o xətdən yararlana bilmirəm. Su xəttinin çəkilməsi üçün məndən 300-350 azn rüşvət istəyiblər. III qrup əliləm 120 azn pensiya alıram. Rüşvəti verməyə nə sağlamlığım, nə də maddi imkanım var. 7 ildir rüşvətə görə problem həll olunmur. Prezidentə şikayət məktubu da göndərmişəm. "Azərsu"-ya etdiyim şikayətə cavabda dedilər ki, sizin yaşadığınız ərazidə su xətti yoxdur. Mənimlə birlikdə 14-15 qonşu evdə də eyni problem yaşanır", - ərazi sakini bildirib.
"Azərsu " ASC-nin ictimaiyyətlə əlaqələr şöbəsinin müdiri Anar Cəbrayıllı da adı çəkilən ərazidə su xəttinin olmadığın bildirib.
"Qeyd olunan ərazidə su xətti yoxdur. Su xətti olmayan ərazilərdə maklerlər vətəndaşlardan pul alaraq qeyri-qanuni yollarla su xətlərinə qoşulmalar edirlər. Su çəkdirmək istəyən vətəndaşlar Asan Kommunal mərkəzlərinə müraciət etməlidir. Sənədlər təqdim edilir, yerində baxış keçirilir, əgər Nazirlər Kabinetinin təsdiq etdiyi texniki şərtlərin verilməsi qaydalarına uyğundursa su xətti çəkilir, sayğac qoyulur. Amma uzaq məsafədədirsə, imtina edilir. Çox güman ki, həmin vətəndaş da uzaq məsafədə yaşayır, ona görə qeyri-qanuni sudan istifadə etmək istəyib. Maklerlərdə bundan yararlanıb pul qoparmağa cəhd ediblər. Bu cür qanunsuz əməllərlə bağlı hər gün Binədən, Masazırdan, Ramanadan, Binəqədidən, Sabunçudan çoxsaylı müraciətlər olunur. "Azərsu" ASC qeyri-qanuni çəkilmiş xətləri aşkar edərək ləğv edir", - Anar Cəbrayıllı vurğulayıb.
Xalidə Elşənqızı
www.anews.az
Adı çəkilən ərazidə yaşayan Vüqar Orucov onlardan biridir. Onun sözlərinə görə, evinin 50 metrliyində su xətti olsa da həmin xətdən yarralana bilmir.
"25 ildən artıqdır ki, bu ərazidə ev tikib yaşayıram. Evim qaz və işıq sistemi ilə təmin olunsa da, su təminatı ilə bağlı problem həll olunmur. Dəfələrlə aidiyyatı qurumlara müraciət etmişəm. Lakin heç bir tədbir görülməyib. Evimin 50 metrliyində su xətti olsa da, mən o xətdən yararlana bilmirəm. Su xəttinin çəkilməsi üçün məndən 300-350 azn rüşvət istəyiblər. III qrup əliləm 120 azn pensiya alıram. Rüşvəti verməyə nə sağlamlığım, nə də maddi imkanım var. 7 ildir rüşvətə görə problem həll olunmur. Prezidentə şikayət məktubu da göndərmişəm. "Azərsu"-ya etdiyim şikayətə cavabda dedilər ki, sizin yaşadığınız ərazidə su xətti yoxdur. Mənimlə birlikdə 14-15 qonşu evdə də eyni problem yaşanır", - ərazi sakini bildirib.
"Azərsu " ASC-nin ictimaiyyətlə əlaqələr şöbəsinin müdiri Anar Cəbrayıllı da adı çəkilən ərazidə su xəttinin olmadığın bildirib.
"Qeyd olunan ərazidə su xətti yoxdur. Su xətti olmayan ərazilərdə maklerlər vətəndaşlardan pul alaraq qeyri-qanuni yollarla su xətlərinə qoşulmalar edirlər. Su çəkdirmək istəyən vətəndaşlar Asan Kommunal mərkəzlərinə müraciət etməlidir. Sənədlər təqdim edilir, yerində baxış keçirilir, əgər Nazirlər Kabinetinin təsdiq etdiyi texniki şərtlərin verilməsi qaydalarına uyğundursa su xətti çəkilir, sayğac qoyulur. Amma uzaq məsafədədirsə, imtina edilir. Çox güman ki, həmin vətəndaş da uzaq məsafədə yaşayır, ona görə qeyri-qanuni sudan istifadə etmək istəyib. Maklerlərdə bundan yararlanıb pul qoparmağa cəhd ediblər. Bu cür qanunsuz əməllərlə bağlı hər gün Binədən, Masazırdan, Ramanadan, Binəqədidən, Sabunçudan çoxsaylı müraciətlər olunur. "Azərsu" ASC qeyri-qanuni çəkilmiş xətləri aşkar edərək ləğv edir", - Anar Cəbrayıllı vurğulayıb.
Xalidə Elşənqızı
www.anews.az
Foto 
Video 
