Bir ayda yaşı 100-ü keçən pensiyaçıların sayı 10 nəfər azalıb

 

 

Mayda açıqlanan rəqəmlərə görə yaşı 100-dən çox pensiyaçıların sayı 280 nəfər təşkil edib. Onların da 244 nəfəri qadınlar, 36 nəfəri kişilər olub. 

 

Bir ay müddətində bu sayda 10 nəfər azalma olub. Vəfat edən 10 nəfər isə qadınlar olub. 

 

2024-cü ilin ilk üç ayında Əmək və Əhalinin Sosial Müdafiəsi Nazirliyi tərəfindən vətəndaşlara 11,9 min pensiya, 39 min müavinət və təqaüd ayrılıb.
 
Dövlət Statistika Komitəsinin son hesabatına görə Azərbaycanda 1 milyon 96 min pensiyaçı qeydiyyatda olub. 

2023-cü ilin əvvəlinə olan məlumatla müqayisədə bu il Azərbaycanda pensiyaçıların sayında azalma qeydə alınıb. Ötən ilin yanvarın 1-i vəziyyətinə ölkədə1 milyon 114 min 200 pensiyaçı qeydiyyatda olub,1 il ərzində Azərbaycanda pensiyaçıların sayı 18 200 nəfər azalıb.

2023-cü il Azərbaycan əhalisinin 11 faizini pensiyaçılar təşkil edirdisə, bu il bu rəqəm 10,8 faiz olub.

Bu ilin məlumatlarına görə, pensiyaçıların 64 faizi yaşa, 23,6 faizi əlilliyə, 12,4 faizi isə ailə başçısını itirməyə görə pensiya alır.


Azərbaycan Qanunvericiliyinə görə, kişilərin pensiya yaşı 65 il, qadınların pensiya yaşı 63 il 6 ay-dır. Qadınların pensiya yaşı hər 6 aydan bir qaldırılır. İyulun 1-dən qadınların pensiya yaşı 64 il olacaq.


Gülnar Nazimqızı