Bir neçə ölkə Rusiyaya pomidor ixracını kəskin azaldıb - Siyahıda Azərbaycan da var

14:55 | 03.02.2023
2022-ci il  Çin, Türkiyə, Gürcüstan, Serbiya və Şimali Makedoniyadan Rusiya bazarına pomidor tədarükü əvvəlki illə müqayisədə bir neçə dəfə azalıb. Bu barədə Rusiya mətbuatı ölkənin Kənd Təsərrüfatı Bazarı Araşdırmalar Mərkəzinə istinadla yazıb. 

2022-ci ildə Çindən pomidor idxalının həcmi ötən illə müqayisədə 1,4 dəfə azalıb. Türkiyə Rusiya bazarına pomidor ixracını iki dəfədən çox azaldaraq 29,3 min tona çatdırıb. Gürcüstan, Serbiya və Şimali Makedoniyadan pomidor tədarükü əhəmiyyətli dərəcədə azalıb. 2022-ci ildə bu ölkələr Rusiyaya 2021-ci ilə nisbətən üç dəfə az - təxminən 0,9 min ton pomidor gətiriblər.

Azərbaycandan Rusiyaya pomidor tədarükü ilə bağlı ən son statistika 2022-ci ilin cəmi 9 ayını əhatə edir. Bu dövrdə Azərbaycan Rusiya bazarına 109,5 min ton, 2021-ci ilin eyni dövründə isə 114,5 min ton pomidor satıb.

Qırğızıstan və Ermənistandan pomidor idxalının həcmi bir qədər artıb: illik müqayisədə müvafiq olaraq 3,9 min tondan 4,1 minə və 33,4 min tondan 41,2 minə qədər.

Xaricdən gətirilən pomidorun da qiyməti iki dəfə artıb. Ən bahalısı Şimali Makedoniyadan gətirilən pomidorlardır - 2022-ci ildə 1 kiloqramı 1,49 dollar (indiki məzənnə ilə təxminən 105 rubl) bir il əvvəl 1,33 dollara (93,6 rubl) qarşıdır. Türkiyə, Gürcüstan, Azərbaycan və Ermənistandan gətirilən pomidorun qiyməti orta hesabla kiloqramı 0,91-1,19 dollar (64-83,7 rubl) təşkil edir, ötən ildən 5-10 sent bahalaşıb.


Kənd Təsərrüfatı Bazarı Araşdırmaları İnstitutunun məlumatına görə, 2022-ci ildə Rusiyada təxminən 670 min ton pomidor yetişdirilib ki, bu da 2021-ci illə müqayisədə 6% çoxdur.
 
 
Gülnar 

www.anews.az
0
Bizi sosial şəbəkələrdə izləyin !

REKLAM

Xəbər lenti