BMT Baş Assembleyasının prezidenti COP29 çərçivəsində Azərbaycana səfər edəcək

22:48 | 25.10.2024

BMT Baş Assembleyasının prezidenti COP29 çərçivəsində Azərbaycana səfər edəcək

BMT Baş Assembleyasının 79-cu sessiyasının prezidenti, Kamerunun keçmiş Baş naziri Filemon Yanq Azərbaycana səfər edəcək.Bunu "Report"a açıqlamasında Baş Assambleya sədrinin kommunikasiyalar üzrə müşaviri Mariam Şaikh bildirib.

BMT rəsmisi əlavə edib ki, Baş Assambleyanın prezidenti Azərbaycanın sədrliyi ilə cari ilin 11-22 noyabr tarixlərində Azərbaycanda baş tutacaq COP29 konfransı çərçivəsində Bakıya səfər edəcək. O, Azərbaycan hökumətinin dəvətini qəbul edib və COP29-un açılışında iştirak edəcək.

Məsləhətçi əlavə edib ki, Filemon Yanq COP29 çərçivəsində Bakıda yüksək səviyyəli tədbirlər və müzakirələrə qatılacaq və bir sıra görüşlər keçirəcək.

www.anews.az

Bizi sosial şəbəkələrdə izləyin !