Avqustun 7-də BMT-nin Təhlükəsizlik Şurasında Suriya ilə bağlı qətnamə səsə qoyulacaq. Kimyəvi silah hücumlarına görə məsuliyyət daşıyanların müəyyənləşdirilməsini nəzərdə tutan qətnaməyə yekdilliklə səs veriləcəyi gözlənir.

Səsvermə Nyu York vaxtıyla 10-da olacaq. İki gün öncə ABŞ Dövlət katibi John Kerry və Rusiya xarici işlər naziri Sergey Lavrov qətnamə mətniylə bağlı razılaşma əldə edib. Şuranın 13 üzvünə etiraz bildirmək üçün vaxt verilib, heç biri etiraz etməyib.

Rusiya ilə Birləşmiş Ştatlar Suriya münaqişəsinin həlli üzrə razılıq əldə edə bilməsə də, münaqişənin 5-ci ilində ölkənin kimyəvi silahlarının məhvi barədə razılığa gəliblər. /Azadliq.org