"Qeyd edilən məbləğin  712,7 milyon dolları 14 müştərək müəssisə, 45,3 milyon dolları 27 dövlət müəssisəsi, 398,5 milyon dolları 245 kiçik və orta müəssisə, 389,9 milyon dolları bp-nin Azərbaycanda layihələrində çalışan 96 xarici şirkət tərəfindən yerinə yetirilib", - şirkətin mətbuat xidmətindən bildiriblər.

2023-cü ildə bp-Azerbaijan şirkətinin sosial layihələrin həyata keçirilməsinə layihə tərəfdaşları ilə birgə və ayrıca yatırdığı vəsaitlər də daxil olmaqla ümumi investisiyaları 2,9 milyon dollar təşkil edib.

"Azəri”, "Çıraq” və "Günəşli”nin dərinsulu yataqlarının işlənməsi üzrə müqavilə 1994-cü ildə imzalanıb. Blokda neft hasilatı 1997-ci ilin noyabrında başlayıb. Bu müqavilənin müddəti 2024-cü ildə başa çatıb. Bununla belə, 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər nəzərdə tutulmuş yeni müqavilə imzalanıb.

Yeni müqaviləyə əsasən layihənin icraçıları Böyük Britaniyanın bp (layihə operatoru) 30,37%, SOCAR (25%), Macarıstanın MOL (9,57%), Amerikanın ExxonMobil (6,79%), Hindistanın ONGC Videsh (2,31%), Yaponiyanın Inpex Corp. (9,31%) və ITOCHU Oil (3,65%), Norwegian Equinor (7,27%), Türkiyənin TPAO (5,73%) şirkətləridir.

"Şahdəniz” yatağının işlənməsi üzrə müqavilə 1996-cı il iyunun 4-də Bakıda imzalanıb və həmin il oktyabrın 17-də Milli Məclis tərəfindən ratifikasiya edilib. Hazırda müqavilədə tərəflərin payı  bp (operator - 29,99%), LUKOIL (19,99%), TPAO (19%), NICO (10%) və Cenub Qaz Dehlizi QSC (21 ,02%) şirkətləri arasında bölünüb. 

Bakı-Tbilisi-Ceyhan neft kəməri layihəsinin iştirakçıları  bp (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); ExxonMobil (2,5%), Itochu (3,4%); INPEX (2,5%), TotalEnergies (5%) və ONGC (2,36%) şirkətləridir. 

2023-cü ilin dekabrında Equinor Azərbaycandakı layihələrdəki payını, o cümlədən AÇG və BTC-ni SOCAR-a satmaq barədə saziş imzalayıb. Tərəflərin bir sıra öhdəlikləri yerinə yetirildikdən sonra əməliyyat başa çatmış hesab ediləcək.