Britaniya parlamentinin İcmalar Palatasının (aşağı palata) üzvü və sağçı populist Böyük Britaniyanın "İslahat” partiyasının lideri Rupert Lou ölkənin səs-küylü qətlindən sonra ölüm hökmünün geri qaytarılmasını nəzərdən keçirməyi təklif edib. Bu barədə Lou öz sosial hesabında yazıb. 

"Məncə, müstəsna hallarda ölüm hökmünün tətbiqi ilə bağlı milli müzakirələrin vaxtı çatıb. Bu, müstəsna haldır”, -  deputat X-də yazıb. 

Britaniya 1998-ci ildə İnsan Haqları Aktı qüvvəyə mindikdən sonra ölüm hökmünü ləğv edib. Ölkədə sonuncu dəfə belə cəza 1964-cü ildə qətl və quldurluqda təqsirli bilinən Qvin Evans və Piter Allenə tətbiq edilib.

Yanvarın 23-də Britaniya məhkəməsi 18 yaşlı Ruandalı yeniyetmə Aksel Rudakubaneni İngiltərənin şimalındakı Sautportda üç qızı qətlə yetirməkdə təqsirli bilinərək minimum 52 il müddətinə ömürlük həbs cəzasına məhkum edib. 




www.anews.az