BTC ilə neft ixracı azalıb

Bakı-Tbilisi-Ceyhan (BTC) neft kəməri ilə neft ixracı  2024-cü ilin yanvar-sentyabrında əvvəlki ilin eyni dövründəki 22,7 milyon tondan 21,7 milyon tona qədər azalıb. Bu barədə Azərbaycanın Dövlət Statistika Komitəsi məlumat verib.

Tranzit neftin BTC ilə ötürülmə həcmi isə 3,820 milyon tondan 4,005 milyon tona qədər artıb.

Azərbaycan cari ilin yanvar-sentyabr aylarında BTC vasitəsilə nəql edilən ümumi neft həcminin 75,1%-ni təşkil edib ki, bu da ümumilikdə 28,8 milyon ton olub. Azərbaycanla yanaşı, Qazaxıstan və Türkmənistan da BTC vasitəsilə neft ixrac edir.

BTC kəmərinin ümumi uzunluğu 1.768 kilometrdir və nefti Aralıq dənizinin sahilində yerləşən Türkiyənin Ceyhan limanına çatdırır, oradan isə tankerlərlə daşınır.

Kəmərin ötürmə gücü gündə 1,2 milyon barrel neft ixrac etməyə imkan verir. Kəmər layihəsi BTC-nin gücünü gündəlik 2,2 milyon barrelə qədər artırmağa imkan verir.

N.Təbrizli