Bu gün aprel şəhidi Altun Fərman oğlu Dəmirlinin ad günüdür.1997-ci il sentyabrın 1-də Şəmkir rayonunun Düyərli kəndində anadan olan Altun Dəmirli aprelin 2-i 2016-cı ildə  şəhid olub.

Əsgər Altun Dəmirli 2016-cı ilin apreində Azərbaycan-Ermənistan təmas xəttində baş verən atışma zamanı qəhrəmancasına şəhid oldu.

Aprelin 9-u isə Altun Dəmirli doğulduğu Şəmkir rayonunun Düyərli kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və əsgər Dəmirli uğrunda şəhid olduğu torpağa tapşırılıb.

Altun Dəmirli ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.

 

Allah rəhmət eləsin!