Bu gün olimpiadada Azərbaycanın 4 təmsilçisi çıxış edəcək
07.08.2024 09:02
Avqustun 8-də Parisdə keçiriləcək Yay Olimpiya Oyunlarında Azərbaycanın 4 təmsilçisi çıxış edəcək.
58 kq çəki dərəcəsində taekvondoçu Kaşim Maqomedov 1/8 finalda irlandiyalı Cek Uolli ilə döyüşəcək.
Yunan-Roma güləşçiləri Xəsrət Cəfərov (67 kq) və Rafiq Hüseynov (87 kq) 1/8 final mərhələsində müvafiq olaraq, Məhəmməd Essaed (Misir) və David Losonzi (Macarıstan) ilə qarşılaşacaqlar.
Axşam sessiyasında isə yunan-Roma güləşçisi Sənan Süleymanov (77 kq-a qədər) bürünc medal uğrunda mübarizə aparacaq.
Hazırda Parisdə keçirilən yay olimpiadasında iştirak edən Azərbaycan idmançılarının aktivində iki qızıl medal var.
Bu günə Azərbaycanın aktivində üç medal var. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, boksçu Alfonso Dominqes (92 kiloqram) isə finala vəsiqə qazanmaqla ən azı gümüş mükafatı təmin edib.
Axşam saatlarında bürünc medal uğrunda mübarizə aparacaq Süleymanov bir gün əvvəl Bolqarıstan təmsilçisi Hayk Mnatsakanyan və macar Zoltan Levai üzərində qələbə qazanıb. Amma yarımfinalda ayağından zədələnən idmançı qazaxıstanlı Demeu Jadraevə qarşı heç nə edə bilmədi.
İndiyədək Azərbaycan güləşçilərindən heç biri medal qazana bilməyib. Murad Məmmədov (60 kq), Sabah Şəriəti (130 kq) və Mariya Stadnik (50 kq) mükafatsız qalıb.
N.Təbrizli
www.anews.az
Son xəbərlər 
Daha çox
Foto 
Video 
