Bu il əkin sahələri üzrə aqrar sığrta ödənişləri 6 milyon manata çatacaq-Fuad Sadıqov
28.11.2023 14:58
2023-cü ildə əkin sahələri üzrə aqrar sığrta ödənişləri 6 milyon manata çatacaq. Bu barədə Aqrar Sığorta Fondunun idarə heyətinin sədri Fuad Sadıqov Aqrar Sığorta Fondu və Qusar rayon İcra Hakimiyyətinin təşkilatçılığı ilə keçirilən tədbirdə Quba-Xaçmaz iqtisadi rayonunda aqrar sığortadan istifadə, aqrar sığortanın üstünlükləri, təbiət hadisələri ilə bağlı tədbirdə jurnalistlərə açıqlamasında bildirib.
Onun sözlərinə görə, hazırda aqrar sığorta ölkədəki 1,6 milyon hektar əkin sahəsinin 420 min hektarını, yəni dörddə birini əhatə edir, fondun yeni fəaliyyətə başladığını nəzərə aldıqda bu mühüm göstəricidir.
Nazirlər Kabinetinin 17 dekabr 2019-cu il tarixli 479 saylı və 22 dekabr 2021-ci il tarixli 398 saylı qərarlarına əsasən, Azərbaycanda aqrar sığorta hazırda 41 adda bitkiçilik məhsullarını əhatə edir. Bura buğda, arpa, qarğıdalı,kartof, şəkər çuğunduru, portağal, limon, naringi, çay, tütün, üzüm, fındıq, pambıq, günəbaxan, soya, yonca, noxud, noxud, alça, albalı, alma, armud, çiyələk, ərik, gavalı, gilas, heyva, xurma, nar, şaftalı, zeytun, badam, qoz, soğan, kələm, qarpız, yemiş (qovun), pomidor, sarımsaq, darı daxildir.
Aqrar Sığorta Fondunun çağrı mərkəzinin əlaqə nömrəsi 1651-dir.
Aqrar Sığorta Fondunun çağrı mərkəzinin əlaqə nömrəsi 1651-dir.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
