Bu qanunu pozanların Rusiyaya girişi qadağan olunacaq

Rusiya prezidenti Vladimir Putin ölkənin miqrasiya qanunvericilini pozmuş əcnəbilərin ölkəyə girişinin qadağan olunması təklifi ilə çıxış edib.

Qadağanın müddəti 3 ildən 10 ilə qədər ola bilər. APA-nın “Rossiya 24” telekanalına istinadən verdiyi məlumata görə, V. Putin bu təklifi Federasiya Şurasına müraciətində irəli sürüb. O deyib ki, əcnəbilərin RF-yə girişi üzərində nəzarəti gücləndirmək lazımdır: “Dövlət əcnəbilərin nə üçün və hansı müddətə ölkəyə gəldiyini bilməlidir”.

Bununla yanaşı, Putin bildirib ki, keçmiş SSRİ respublikaları ilə əlaqələri kəsmək olmaz.  

Rusiya prezidenti hesab edir ki, əcnəbilər təhsil və səhiyyə sistemlərindən yararlanmaq üçün Rusiyanın dövlət büdcəsinə vergi ödəməlidir.

APA