Metronun "Dərnəgul" - "Həzi Aslanov" istiqamətində hərəkət edən qatar tuneldə 11 dəqiqə dayanıb

Bu gün səhər 08:31 radələrində Bakı Metropolitenində həyəcanlı anlar yaşanıb. ANS PRESS-in məlumatına görə, metronun "Dərnəgul" - "Həzi Aslanov" istiqamətində hərəkət edən qatar "İnşaatçılar" ilə "Elmlər Akademiyası" stansiyaları arasındakı tuneldə 11 dəqiqə dayanıb. Bu müddət ərzində sərnişinlər çətin anlar yaşayıb. Qatarda havalandırma sistemi yaxşı işləmədiyindən, bir neçə sərnişinin səhhətində problemlər yaranıb.

Maşinst qatarın tuneldə dayanmasının səbəbini texniki nasazlıqla əlaqələndirib.

Qatar 11 dəqiqədən sonra "Elmlər Akademiyası" stansiyasına çatıb.