"Buta Airways” martın 18-dən Bakı və Soçi arasında uçuşlara başlayacaq. Bu barədə Soçi hava limanının mətbuat xidmətinin məlumatında deyilir. 

Uçuşlar həftədə iki dəfə - çərşənbə axşamı və şənbə günləri yerinə yetiriləcək. Uçuş 106 sərnişin tutumuna malik Embraer 190 təyyarələri ilə həyata keçiriləcək.

İndi Bakı-Soçi marşrutu üzrə uçuşlar Azimut Hava Yolları tərəfindən həyata keçirilir.

Turistlər Soçidə dincəlmək üçün birbaşa reyslərlə uça və ya Misir, Ermənistan, Türkiyə, Belarus və Azərbaycana uçuşlar üçün transferdən istifadə edə bilərlər.

www.anews.az