Üç ümumtəhsil müəssisəsində birinci sinifə qəbul üçün alternativ məktəb seçimi yaradılıb

 

"Valideynlər bir qism məktəblərdə ərazidə sıxlıq olduğuna, tələbat çox olduğuna görə, müraciətlər çox olur. Burada prioritetlər, üstünlük hüququ tətbiq olunur. Bizim 3 əsas prioritetimiz var. Valideynlər məktəbin müəyyən edilmiş ərazisində qeydiyyatda olmalı, uşağın bacısı və ya qardaşı həmin məktəbdə təhsil almalı, yaxud da valideynlərdən biri həmin məktəbdə işləməlidir. Bu bizim əsas üstünlüyümüz hesab olunur. Digər bir yenilik isə 3 təhsil müəssisəsində aparan Bakı Avropa Liseyi, Respublika İncəsənət Gimnaziyası, Bülbül adına Orta İxtisas Musiqi Məktəbinə müsabiqəyə yazılan valideynlərə hər iki bölmə üzrə alternativ məktəb seçimi şansı yaratmışıq. Valdeynlər əgər, Bakı Avropa Liseyinə müsabiqəyə yazılıbsa, həmin dövrdə öz əraziləri üzrə prioritet yaxud da sərbəst qəbul üzrə məktəb və müəllim seçimi edə bilərlər. Əgər uşaq həmin lisey gimnaziyanın müsabiqəsindən uğur qazanırsa, onlara təbrik edirik SMS-i göndərilirsə, həmin an şəxsi kabinetdə digər alternativ məktəb sorğusu silincək. Silinən boş yer də digər valideyn tərəfindən tutula bilər", - Bilişzadə canlı yayımda qeyd edib.

 

Ümumilikdə 157 ümumtəhsil müəssisəsində məktəblərə qəbulda proritet (üstünlük əsasında) aparılır. Onlardan 32-i Azərbaycan bölməsi üzrə, 125-i isə tədrisi digər dillərdə aparılan bölmələr üzrə üstünlük hüququ tətbiq olunur.