Cari ilin altı ayında ölkədə doğulan oğlanların sayı qızlara nisbətdə 3500-dən çoxdur

Altı ay ərzində Azərbaycanda doğulan 51 497 körpəyə birdəfəlik müavinət verilib. Bu barədə Dövlət Sosial Müdafiəsi Fondunun rəsmi facebook hesabında bildirilib. 
 
Doğulanların 27 532 nəfəri oğlan, 23 965 nəfəri qız uşağı təşkil edib. 
 
Azərbaycanda 2023-cü il 112 min 620 körpə doğulub. Onlardan 59 814-ü oğlan, 52 806-sı qızdır.
 
Cins nisbəti hər 100 qıza 113 oğlan təşkil edir. 
 
Ötən il abortların sayı 21,4% və ya 15 817 abort artaraq 73 816 olub. 15 - 49 yaşlı hər 1000 qadına düşən abortların sayı 27,9 olub.
 
2023-cü ildə BMT-nin Əhali Fonun baş müşaviri Fərid Babayev deyib ki, Azərbaycan 2 ildir ardıcıl olaraq selektiv abortlara görə dünyada birinci yeri tutur.
 
Gülnar Nazimqızı 

www.anews.az