Cari ilin üç ayında ümumi dəyəri 51 milyondan çox olan narkotik dövriyyədən çıxarılıb
23.04.2024 10:58
2024-cü ilin 3 ayında narkomanlığa və narkotik vasitələrin qanunsuz dövriyyəsi tədbirlərində ümumilikdə 2 min 909 cinayət faktı aşkarlanıb. Bu barədə məlumat Narkomanlığa və narkotik vasitələrin qanunsuz dövriyyəsinə qarşı mübarizə üzrə Dövlət Komissiyasının hesabatında öz əksini tapıb.
Bunların 821-i narkotik vasitələrin qanunsuz satışı, 2076-sı narkotik vasitələrin qanunsuz əldə edilib saxlanılması, 12-si isə narkotik tərkibli bitkilərin qanunsuz əkilib becərilməsi ilə bağlı olub.
Cari ililn yanvar-martında qanunsuz dövriyyədən çıxarılmış 1 ton 787 kq 303,666 qr narkotik vasitələrin və psixotrop maddələrin ümumilikdə dəyəri 51 milyon 36 min manat qiymətləndirilib.
Narkotiklərin qanunsuz dövriyyəsi ilə bağlı 1615 nəfər cinayət məsuliyyətinə cəlb edilib, həmin şəxslərdən 1564-ü kişi, 51-i qadın olub.
Cinayət məsuliyyətinə cəlb edilən 22 xarici ölkə vətəndaşından 99 kq 487,934 qr müxtəlif növ narkotik vasitə və psixotrop maddə götürülüb.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
