Caspian European Club ANAR BAĞIROVUN iştirakı ilə Online Round Table keçirib

04.07.2020 16:16

Azərbaycan Respublikasının Vəkillər Kollegiyasının sədri ANAR BAĞIROVUN iştirakı ilə təşkil olunmuş iki saatlıq Online Round Table çərçivəsində sahibkarların COVİD-19 pandemiyası dövründə vəkillərin fəaliyyəti, məhkəmə sistemində keçirilən islahatlar, şirkətlərin hüquqi marifləndirilməsi istiqamətində həyata keçirilən layihələr və sahibkarlara hüquq xidmətlərin göstərilməsinin yeni üsulları müzakirə olunub.

Bu barədə Caspian European Club və Caspian Energy qrupunun sədri və baş icraçı direktoru Telman Əliyev məlumat verib.

Vəkillər Kollegiyasının sədri Anar Bağırov tədbir iştirakıçılarını salamlayaraq, son illər Azərbaycan vəkilliyinin inkişafında Azərbaycan Respublikasının Prezidenti cənab İlham Əliyev tərəfindən qəbul edilmiş fərman və sərəncamların tarixi əhəmiyyəti, sahibkarlarının maraqlarının məhkəmə müdafiəsi işində vəkillərin rolu, bu istiqamətdə vəkillərin ixtisaslaşmasının aparılmasının zəruriliyi, məhkəmə hakimiyyəti sahəsində aparılan islahatlar və islahatların azad sahibkarlığa təsiri, xüsusilə mediasiya institutunun kommersiya mübahisələrinin həllində yeri barədə məlumat vermiş, pandemiya şəraitində hüquqi xidmətlərin distant formada göstərilməsi və bunun üçün zəruri texniki bazanın mövcudluğunun bu günün ehtiyacı olduğunu qeyd etmişdir.

Görüşə moderatorluğ edən Vəkillər Kollegiyasının üzvü, Caspian European Club-un hüquq, ədliyyə və məhkəmə işləri üzrə alt komitəsinin rəhbəri Şaiq Mirzəyev " Azərbaycan Respublikasının Vəkillər Kollegiyasının Sədri Anar Bağırovun iştirakı ilə Caspian European Club çərəivəsində ilk dəfə keçirilən görüş olduqca faydalı və maraqlı oldu. İllər boyu yığılıb qalan problemləri sahibkarlar gündəmə gətirdi və verilən suallara dair Anar müəllim tərəfindən dolğun cavabları ala bildirdilər. Eyni zamanda, sahibkarları maraqlandıran digər məsələlər də müzakirə olundu. Yerində bəzi təkliflər öz həllini tapdı. Əminəm ki, bu görüşlər ümumən bir çox sahibkarların fəaliyyətinə müsbət təsir eməklə yanaşı, biznes inkişaf edir və ölkə iqtisadiyyatı güclənir. Vəkil institutu güclü olmaqla, məhkəmə qərarları da ədalətli və qanuni olur. Belə görüşlərin sayı çoxaldıqca sahibkarların problemləri də vaxtında və operativ şəkildə daha tez həllini tapacaqdır” deyə bildirib.

Çıxışının sonunda Anar Bağırov Caspian European Club-un üzv şirkətlərinin rəhbər və nümayəndələrinin suallarını cavablandırıb və təkliflərini dinləyib.

Caspian European Club-un sədri və baş icraçı direktoru Telman Əliyev açıq və səmimi dialoqa görə Caspian European Club-un üzv şirkətlərinin top-menecerləri adından Anar Bağırova minnətdarlığını bildirib. Həmçinin Caspian European Club və Azərbaycan Respublikasının Vəkillər Kollegiyası arasında birgə ictimai nəzarət şurasının yaradılması təklifi üçün təşekkür edib.

Görüşdə Vəkillər Kollegiyasının aparatının rəhbəri Fərhad Nəcəfov, apparat rəhbərinin müavini Anar Əsədov, aparatın beynəlxalq əməkdaşlıq şöbəsinin müdiri Sayad Qılıcov və Kollegiyanın Sumqayıt Regional Vəkil Bürosunun müdiri Anar Qasımlı da iştirak etmişdir.

İlk dəfə keçirilən Online Round Table – konkret sahə və sahəarası təkliflərin və problemlərin müzakirəsi üçün Azərbaycan, Gürcüstan və Qazaxıstanda Caspian European Club tərəfindən hər həftə keçirilir.

Telman Əliyevin sözlərinə görə, sıralarında dünyanın 50 ölkəsindən 5 000 artıq şirkət və təşkilatı birləşdirən Caspian European Club 2002-ci ilin iyununda yaradılıb. "Biznes-hökumət” dialoqunun fəal iştirakçısı olan Caspian European Club-un əsas məqsədi Azərbaycanda və Caspian European Club-un fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirakdan ibarətdir.
Biznes-netvorkinq üçün beynəlxalq platforma olan Caspian European Club mütəmadi olaraq CEO Brunch, CEO Lunch, Business Tour və s. kimi müxtəlif tədbirlər təşkil edir. Onlayn biznes-treninqlər çərçivəsində yerli və xarici mütəxəssislərlə vebinarlar, treninq və seminarlar keçirilir. Caspian European Club-un mənzil-qərargahı Bakıda (Azərbaycan) yerləşir. Caspian European Club-un, həmçinin Gürcüstan və Qazaxıstanda rəsmi nümayəndəlikləri, eyni zamanda dünyanın bir sıra ölkələrində səlahiyyətli nümayəndələri var.

www.anews.az

Xəbəri bəyəndiniz?

Sosial şəbəkələrdə paylaş