20 general, 11 Milli Qəhrəman yetişdirən lisey... - Video
12.12.2021 10:08
Müdafiə Nazirliyi tərəfindən 12 dekabr - ümummilli lider Heydər Əliyevin anım günü ilə əlaqədar Cəmşid Naxçıvanski adına Hərbi Liseyə mediatur təşkil olunub.
General bildirib ki, Naxçıvanski adına Hərbi Lisey Heydər Əliyevin təşəbbüsü ilə 1971-ci ildə Bakıdakı 2 saylı səkkiz illik internat məktəbinin bazasında yaradılıb:
"1997-ci il noyabrın 24-də Ulu Öndərin Sərəncamı ilə məktəb Cəmşid Naxçıvanski adına Hərbi Lisey adlandırılıb. Bu təhsil ocağının əsas hədəfi orduya savadlı, bacarıqlı və vətənpərvər zabitlər yetişdirməkdir.
Çalışırıq ki, gələcək kursantlar burda yaxşı təhsil alsınlar, intizamlı yetişsinlər və ali hərbi məktəblərdə təhsillərini uğurla davam etdirsinlər. Onları Vətən və xalq üçün bacarıqlı, vətənpərvər zabit kimi yetişdirmək Məsas vəzifəmizdir. müstəqilliyin bərpasından sonra hərbi liseyin məzunları ordu quruculuğunda, ərazi bütövlüyümüzün qorunmasında həmişə ön cəbhədə olublar”.
Məlumata görə, Hərbi Liseydən bu günə qədər 12 mindən çox kursan məzun olub. Məzunların 20-dən çoxu general rütbəsinə qədər yüksəlib. 11 nəfər Azərbaycanın Milli Qəhrəmanı fəxri adına layiq görülüb.
"Vətən Müharibəsində Hərbi Liseyin 60 nəfərlik zabit heyəti döyüş əməliyyatlarında iştirak edib. Onlardan üçü yaralanıb, mayor Asiman Əliyev isə şəhid olub. Liseyin məzunlarından 18 nəfər Vətən Müharibəsi Qəhrəmanı adı alıb”.
Daha sonra media nümayəndələri Hərbi Liseydə yerləşən tədris korpusları, tibb məntəqəsi, idman kompleksi, ideoloji iş otağı, kitabxana, kursant yataqxanası, üzgüçülük kompleksi və yeməkxanası ilə tanış olublar.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
