Borclu şəxs dünyasını dəyişərsə, bu borcun aqibəti necə olur? – HÜQUQŞÜNAS MƏSLƏHƏTİ
19.05.2023 15:37
Bəzi hallarda borclu borcunu ödəmədən dünyadan köçür. Bəs belə olduğu
təqdirdə borcun aqibəti necə olur və ya bu borc kredit borcudursa bu kim tərəfindən
ödənilir?
Hüquqşünas Sahib Məmmədovun sözlərinə görə, ölən şəxsin kreditorlar qarşısında borc öhdəliyi varsa, bu öhdəlik vərəsələrinə keçir.
www.anews.az
Hüquqşünas Sahib Məmmədovun sözlərinə görə, ölən şəxsin kreditorlar qarşısında borc öhdəliyi varsa, bu öhdəlik vərəsələrinə keçir.
"Əgər həmin şəxsin sığortası yoxdursa, bu halda
borc vərəsələrin əmlakına yönələ bilər. Vərəsələrin bu borcdan imtina etmək
hüququ yoxdur və bu borc onlar tərəfindən qaytarılmalıdır. Əgər həmin şəxsin
sığortalanma məsələsi həyata keçirilibsə, bu halda sığorta şirkəti bu borcu
qaytarmalıdır”, - hüquqşünas bildirib.
Hüquqşünas Arzu Əliyeva bildirir ki, əgər vərəsə borcu ödəyə bilmirsə və ya ölmüş şəxsin qoyduğu mirasın dəyəri kredit məbləğindən azdırsa, bu zaman yerdə qalan vəsait borcu verən orqanın üzərinə düşür.
Mülki Məcəllənin 1306-cı maddəsinə görə vərəsələr miras qoyanın kreditorlarının mənafelərini alınmış aktivdə özlərindən hər birinin payına mütənasib surətdə birgə borclu kimi tam
ödəməyə borcludurlar. Əgər miras qoyan vərəsələrə keçmiş borclar üzrə birgə borclu olmuşdursa, vərəsələr birgə məsuliyyət daşıyırlar.
Borclu şəxs ölərsə, onun vərəsələri bu barədə kreditorlara məlumat verməyə borcludur. Əks halda vəfat edənin əmlakına görə notariat
kontorunda vərəsəlik açılarsa və bu barədə kreditor məlumat alarsa, o
dərhal həmin vərəsələrə qarşı məhkəmədə iddia qaldırıb həmin borcu tələb edə bilər.
Eltac Nurullazadə
www.anews.az
Foto 
Video 
