Azərbaycana elektrik avtobusları gətiriləcək
04.07.2024 20:36
Çinin ən böyük avtomobil istehsalçısı olan "BYD” konqlomeratı sosial şəbəkələrdə 160 ədəd 12 metrlik K9UD elektrik avtobuslarının Azərbaycana tədarükü üçün tenderin qalibi olduğunu rəsmən elan edib.
Nəşrin bildirdiyinə görə, ilk tədarüklər artıq bu ay həyata keçiriləcək.
"BYD Co Ltd” (Build Your Dreams) – "BYD Auto” avtomobil istehsalçısı və "BYD Electronic” akkumulyator və elektronika istehsalçısını özündə ehtiva edən, qərargahı Çinin Şençjen şəhərində yerləşən konqlomeratdır.
www.anews.az
İyulun 4-də "Gasgoo” nəşrinin saytında dərc olunmuş məqalədə qeyd olunur ki, elektrobusların dövlət satın alınması üzrə tenderdə qalib gələn "BYD” şirkəti elektrik avtobuslarını bir neçə partiya ilə çatdırmağı planlaşdırır.
Bundan əlavə, 2025-ci ildən 2028-ci ilə qədər Azərbaycanın "BYD”dən hər il 200 elektrobus alınması barədə razılıq əldə olunub ki, bunlar "yerlərdə yığılacaq”, – deyə nəşr yazır.
Gələcəkdə tərəflər Azərbaycanda elektrobusların istehsalının yaradılması məqsədilə əməkdaşlığı dərinləşdirmək niyyətindədirlər.
"Gasgoo” xatırladır ki, noyabrda Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçiriləcək.Eektrik avtobuslarından istifadə Azərbaycanın yaşıllaşdırma və karbon qazı emissiyalarının azaldılması təşəbbüslərini həyata keçirməyə kömək edəcək.
Bu gün təxminən 80 min "BYD” elektrik avtobusu 70 ölkənin 400-dən çox şəhərində ictimai nəqliyyatın bir hissəsidir.Şirkətin ən qabaqcıl texnologiyalarından istifadə etməklə yaradılmış "BYD K9UD” elektrik avtobusu etibarlılığı, yüksək səviyyədə təhlükəsizliyi və sərnişinlər üçün rahatlığı təmin edir.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
