Ağstafada canavarlar fermada 27 qoyunu parçalayıb

Ağstafa rayonunun Tatlı kəndində canavarlar fermaya hücum edib.

"Report"un məlumatına görə, kənd sakini, Elsevər Ələsgər oğlu Məmmədova məxsus fermaya hücum edən canavarlar 27 xırda buynuzlu heyvanı tələf edib, bir neçəsini də yaralayıblar.

Əraziyə baytarlıq xidmətinin nümayəndələri cəlb olunub, dezinfeksiya işləri görülüb, 10-dan çox xırda buynuzlu heyvana vaksin vurulub.