Azərbaycan məhsulları Avropa bazarlarına çıxacaq - AQTA rəsmisi

Azərbaycanın bir neçə məhsulu Avropa Birliyi ölkələrinə çıxışında 20% yaşıl dəhlizə çıxışa nail olunub. Bunu Qida Təhlükəsizliyi Agentliyinin (AQTA) sədr müavini Balarəhim Quliyev Bakıda keçirilən IV Aqrobiznesin İnkişafı Forumunda bildirib.

"Azərbaycanın akvakultura kürüsünün və dəri məhsullarının Avropaya ixracına çıxması üçün işlər görülür. Dəniz məhsullarının da ixracı istiqamətində danışıqlar aparılır",-qurum rəsmisi bildirib.

Balarəhim Quliyev söyləyib ki, azərbaycanlı sahibkarların Çin bazarına çıxması üçün hazırda müzakirələr aparılır və görüşlər aparılıb.
"Bununla bağlı Azərbaycandan Çinə böyük bir hesabat göndərilib. Ümid edirik yaxın zamanda bununla bağlı müsbət nəticələr əldə edəcəyik",- o bildirib.

Qurum rəsmisi vurğulayıb ki, qida təhlükısizliyi sahəsində dövlət proqramı hazırlanıb və yaxın zamanda bununla bağlı təqdimat Milli Məclisə göndəriləcək.

Gülnar Nazimqızı