Taksilərdən istifadə azalıb- Qurum rəsmisi

Artıq insanlar 0–3 km-lik məsafələrdə əvvəlki kimi taksi xidmətindən istifadə etmir, bunun əvəzində piyada və digər alternativ nəqliyyat vasitələrinə üstünlük verirlər. Bunu Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) Kommunikasiya departamentinin rəhbəri  Vəli Məmmədov bildirib. 

“Bu dəyişiklik  həm nəqliyyatın yüklənməsinin azalmasına, həm də şəhər mədəniyyətinin inkişafına töhfə verir. Müasir şəhər modeli mikromobillik olmadan mümkün deyil. Artıq bir saat ərzində 100-dən çox istifadəçinin bu sistemdən faydalandığını görürük”,- o bildirib.

Məmnədov həmçinin vurğulayıb ki,  piyada zonalarının artırılması da şəhər planlaşdırmasının əsas hədəflərindəndir. 

“28 May meydanı kimi strateji ərazilərdə yenidənqurma işləri aparılıb, parklanma məhdudlaşdırılıb, yalnız ictimai nəqliyyat vasitələrinin hərəkətinə imkan yaradılıb. Gün ərzində təxminən 180.000 nəfərin keçdiyi bu ərazi artıq daha rahat və təhlükəsiz piyada hərəkətinə imkan verir”,o əlavə edib.

Aytac Zeynalova