Texniki problemə görə müəllim seçimi prosesi sabahdan aktivləşəcək

Birinci siniflərə elektron qəbul prosesində texniki problem yarandığı üçün müəllim seçimi prosesi mayın 6-da saat 15:00-da aktivləşəcək. Bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.

Azərbaycan bölməsi üzrə məktəb və müəllim seçimi mayın 6-sı saat 15:00-da aktivləşəcək.

Rus bölməsi üzrə müsahibəyə yazılma prosesinə isə mayın 6-da saat 11:00-da start veriləcək.

Agentlik valideynlərdən və qanuni nümayəndələrdən portalda aparılan yenilikləri diqqətlə izləmələri və göstərilən tarixlərə uyğun şəkildə qeydiyyat prosesində iştirak etmələrini xahiş edir.