Vəsaitləri oğurlanan şəxslər arasında ABB müştərilərin sayı çox azdır - İdarə Heyətinin sədri

Bank kartlarından vəsaitləri oğurlanan şəxslərin arasında ABB müştərilərinin sayı çox azdır. Bunu bankın İdarə Heyıtinin sədri Abbas İbrahimov deyib. 

"Bank olaraq müasir xarici bankların istifadə etdiyi xüsusi texnoloji həlləri gətirmişik. Texnoloji həllərimiz zərərli prosedurların icrasına icazə vermir. İkili faktorlu qorumanı tətbiq etmişik. Heçkim vətəndaşı icazəsi olmadan ikinci hesabla giriş edə bilməz. Hesabların ələ keçirilməsi ilə bağlı müştərilərdən heç bir müraciət almırıq. Daxili İşlər Nazirliyinin açıqladığı məlumatları izləyirik. Orada kiçik miqyasda da olsa ABB-nin müştəriləri qalıb. Bu da onunla bağlıdır ki, bəzi müştərilər sosial şəbəkələrdə cəlbedici və endirim təkliflərinə aldanaraq həmin web linkə girərək,  kart məlumatlarını daxil edirlər. Bu zaman müştəriyə gələn OTP kodu da ora daxil edir. Artıq həmin dələduzda müştərinin bütün məlumatları olur. Biz bunun qarşısını almaq üçün bir neçə addımlar atırıq. Həm Mərkəzi Bank, həm Banklar Asosiyası, həm kollegiyalarımız davamlı olaraq maarifləndirmə tədbirləri həyata keçirir", - sədr bildirib. 

Abbas İbrahimov deyir ki, ABB bank son günlər müştərilərinin təhlükəsizliyi üçün yeni bir müasir təcrübə gətirəcək. 

" Yeni təcrübədə OTP kommersiya həllərində ləğv etmə imkanı verilir müştəriyə. Müştərilər mobil aplekasiyada OTP kodu yerinə mobil aplekasiya şəbəkəsini verəcəklər. Bu da ona böyük güvən verəcək", - o vurğulayıb. 

İdarə Heyətinin sədri əlavə edib ki, təhlükəsizlik üçün bank həm də bank İSO sertfikatını alıb.

Son həftələrdə Daxili İşlər Nazirliyi gündəlik vətəndaşların kart hesabından oğurlanan vəsaitlərin həcmini açıqlayır. 

DİN bir daha vətəndaşları şübhəli zənglərə cavab verməməyi və kart hesablarındakı məxfiliyi bölüşməməyi tövsüyə edir. 

Son bir neçə həftə ərzində vətəndaşların kartlarından təxminən 400 min manatdan çox vəsait oğurlanıb. 

Gülnar Nazimqızı