Güzdəkdə sexdə yanğın baş verib

Fövqəladə Hallar Nazirliyinin “112" qaynar telefon xəttinə Abşeron rayonu, Aşağı Güzdək qəsəbəsində sexdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə, Xüsusi Riskli Xilasetmə xidmətlərinin və Sumqayıt Regional Mərkəzinin qüvvələri cəlb olunub.Bu barədə FHN Mətbuat xidmətindən bildirilib.

Qeyd olunub ki, hazırda yanğınla mübarizə tədbirləri davam edir.

Əlavə məlumat veriləcək.