Abxaziyada Azərbaycan və Türkiyə vətəndaşları saxlanılıb

Gürcüstanın Abxaziya bölgəsində Azərbaycan və Türkiyə vətəndaşları saxlanılıb. Bu barədə qondarma qurumun “Dövlət Təhlükəsizlik Xidməti” məlumat yayıb. 

Bildirilib ki, Qali rayonunda iki qrup xarici vətəndaşlar saxlanılıb və birinci qrupda iki Türkiyə vətəndaşı – 1997-ci il təvəllüdlü Selçuk Güren və 2001-ci il təvəllüdlü Doğan Bersan adlı şəxslər olub. 

Məlumata görə, Güren daha əvvəl Türkiyə ərazisində törədilən sifarişli qətlə görə, Bersan isə qətl və narkotik maddələrin dövriyyəsində iştirak üzrə axtarışda olublar. 

İkinci qrupda isə Azərbaycan vətəndaşları olan 1974-cü il təvəllüdlü Həsən Əzizov və 1990-cı il təvəllüdlü Namaz Təhməzli saxlanılıb. Onların mayın 26-da saxlanıldığı bildirilib.

Onlar Gürcüstanda cinayət məsuliyyətindən yayınmaq üçün Abxaziya ərazisində gizlənməyə cəhd ediblər. 

Saxlanılan şəxslərlə bağlı cinayət işi başladılıb.