Pulu ödəyə bilmədiyi üçün evində qaz işlətməyən vətəndaş indi məcbur pul ödəməlidir – Deputatdan qanuna irad

Qaz pulu ödəyə bilməyədiyi üçün həyətinin ağaclarını kəsən vətəndaşlar indi işlətmədiyi qaza görə pul ödəmək məcburiyyətində qalacaq. Bunu Milli Məclisin deputatı Əli Məsimli deyib. 

“Biz Milli Məclisdə dəfələrlə dağ kəndlərində qaza limitlərin və güzəştlərin olmasını təklif etmişik. Çünki orada qış çox olur və insanlar qaz pulunu ödəyə bilmir. Nəticədə isə belə qərar çıxır ki, vətəndaş işlətmədiyi qaza görə pul ödəməlidir. Dağ kəndlərində vətəndaşlar qaz pulu ödəyə bilmədiyi üçün evində qaz işlədə bilmədiyi üçün qazı bağlayıb və odun alırlar. Odun da baha olduğu üçün vətəndaş həyətində olan ağacları kəsir. İndi o vətəndaşlar necə işlətmədiyi qaz üçün ödəniş edəcək? Bu optimal üsul deyil. Burada qeyd olunur ki, qaz pulunun qiyməti qalxmayacaq. Amma qurum əməkdaşları gəlirlərin xərcləri qarşılamadığını deyir. Bu da o deməkdir ki, növbəti mərhələlərdə qazın qiymətində artım olacaq”, - deputat bildirib. 

Gülnar Nazimqızı