300-dən çox məzun dünyanın top 10 universitetinə qəbul olub

İndiyə kimi xaricdə təhsil proqramına mindən çox müraciət daxil olub. Bunu elm və təhsil naziri Emin Əmrullayev deyib. 

"Xaricdə təhsil proqramına 1000-dən çox müraciət daxil olub. Onların üçdə biri təxminən 300-dəm çox məzin dünyanın top 10 universitetinə qəbul olan uşaqlardır. Proqrama magistatura və dokturantura üzrə də müraciət etmək olar. İstədiyimiz budur ki, bu uşaqlar təhsiı alıb ölkəyə qayıdıb faydalı olsunlar",- nazir bildirib.

Xaricdə təhsil proqramı prezidentin sərəncamı ilə 2028-ci ilə kimi uzadılıb.

2024-2025-ci tədris ilində Dövlət Proqramı çərçivəsində bakalavriat səviyyəsi üzrə 125, magistratura səviyyəsi üzrə isə 375 nəfər olmaqla ümumilikdə 500 nəfər təqaüdçü adını qazanıb.

proqram çərçivəsində dünyanın 21 ölkəsinə aid 151 ali təhsil müəssisəsində 1252 nəfər tələbə təhsil almaq hüququ qazanıb. Bunlardan dünyanın 14 ölkəsinə aid 64 nüfuzlu ali təhsil müəssisəsində təhsilini başa vuran 186 nəfər Dövlət Proqramı məzunu olub.

Gülnar Nazimqızı