ÜST: COVID-19 tam olaraq bitməyib, diqqətli olmaq vacibdir

COVID-19 pandemiyası əvvəlki qədər təsirli olmasa da, virus hələ də mövcuddur və gələcəkdə də davam edəcək. Bu barədə  Ümumdünya Səhiyyə Təşkilatının Azərbaycandakı nümayəndəsi Hande Harmancı brifinq zamanı bildirib.

“Diqqətli olmaq və qoruyucu tədbirlərə riayət etmək vacibdir. Qrip virusları həyatımızın bir hissəsidir və hər il, xüsusilə 65 yaşdan yuxarı şəxslərə vaksinasiya tövsiyə olunur,” –  Harmancı qeyd edib.

O, COVID-19 vaksinlərinin sürətlə hazırlanmasına baxmayaraq, bütün təhlükəsizlik mərhələlərinin qorunduğunu və bu günə qədər ciddi yan təsirlərlə bağlı məlumatın olmadığını da vurğulayıb.

İyulun əvvəlində Səhiyyə Nazirliyinin mütəxəssis-eksperti, infeksionist Təyyar Eyvazov Lent.az-a açıqlamasında qeyd edib ki, ölkədə və digər ölkələrdə “Omikron” variantının bəzi formaları hələ də dövriyyədədir.

Ekspert əhaliyə maska taxmaq, əlləri mütəmadi yumaq və qapalı məkanlardan uzaq durmaq kimi profilaktik tədbirlərə əməl etməyi tövsiyə edib.

Gülnar