Kürdəmirdə istirahət mərkəzində kütləvi zəhərlənmə olub

Kürdəmirdə kütləvi zəhərlənmə hadisəsi baş verib

“Report” xəbər verir ki, hadisə rayon ərazisində yerləşən istirahət mərkəzlərinin birində qeydə alınıb.

Belə ki, istirahət mərkəzində təşkil olunan mərasimdə 10 nəfərdən çox qonaq qidadan zəhərlənib.

Zəhərlənən şəxslər dərhal təcili tibbi yardım maşınlarının köməyi ilə Kürdəmir rayon Mərkəzi xəstəxanasına çatdırılıb.

Onlara ilkin tibbi yardım göstərilib,vəziyyətləri orta ağır qiymətləndirilir.