Lerikdə yeniyetmə ehtiyatsızlıqdan 6 hektar sahəni yandırıb

Azərbaycanın Lerik rayonunda 6 hektar kol örtüyünün yanmasına iki ayrı ehtiyatsızlıq hadisəsi səbəb olub. Bu barədə Daxili İşlər Nazirliyinin mətbuat xidməti bildirib.

Təkyəband kəndində bir yeniyetmənin yandırdığı tonqal nəticəsində 2 hektar sahə yanıb. Yeniyetmə və onun valideyni profilaktik söhbət üçün polis bölməsinə dəvət olunub.

Durgan kəndində isə 46 yaşlı sakin Malik Mahmudovun atdığı siqaret kötüyü 4 hektarlıq sahənin yanmasına səbəb olub. Mahmudov barəsində inzibati protokol tərtib edilib.

Hər iki şəxs hadisə yerini tərk edib və yanğın barədə müvafiq orqanlara məlumat verməyib.

N.Təbrizli