Nazirlik 26 nəfəri özünəməşğulluq xidmətinə cəlb edilməsinə dəstək olub

Azərbaycanın Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi Ağdərə, Laçın və Xocalı rayonlarından köçürülmüş daha 26 sakinə aktivlər verərək onların öz təsərrüfatlarını yaratmasına dəstək olub. 

Nazirlikdən verilən məlumata görə, aktivlər maldarlıq, keçiçilik, qoyunçuluq və arıçılıq sahələrində istifadə olunub. Proqram iştirakçıları dövlət tərəfindən göstərilən dəstəkdən məmnun olduqlarını bildirərək, dövlət başçısına təşəkkürlərini çatdırıblar. Onlar təsərrüfatlarını genişləndirməyə çalışacaqlarını qeyd ediblər.

Hazırda Ağdərə, Laçın və Xocalıdan köçürülmüş sakinlər arasında özünüməşğulluq proqramı çərçivəsində 220-dən artıq kiçik təsərrüfat yaradılıb. İşğaldan azad olunmuş bölgələrdə bu proqramın həyata keçirilməsi davam edir.