Ağdamda zorakılığa məruz qalan azyaşlılar körpələr evinə yerləşdiriləcək

Ağdamda valideynləri tərəfindən zorakılığa məruz qalan iki azyaşlı körpələr evinə yerləşdiriləcək. Bu barədə Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi məlumat verib.

2023-cü il təvəllüdlü və hazırda Respublika Neyrocərrahiyyə Xəstəxanasında müalicə alan azyaşlı müayinə və müalicə prosesi başa çatdıqdan sonra müvafiq uşaq müəssisəsinə təhvil veriləcək. 2024-cü il təvəllüdlü qardaşı isə Ağdam RMX-də müşahidə altındadır. Onun da Bakı şəhərindəki körpələr evinə köçürülməsi planlaşdırılır.

Agentlik bildirir ki, uşaqların mənafeyinə uyğun tədbirlərin görülməsi üçün aidiyyəti qurumlarla birgə fəaliyyət davam etdirilir.

Valideynlər hadisə ilə bağlı saxlanılıb.

Gülnar