Azərbaycanda bu ilin 8 ayında 36,2 min şəxsə əlillik təyin edilib

2025-ci ilin səkkiz ayında Dövlət Tibbi-Sosial Ekspertiza və Reabilitasiya Agentliyi tərəfindən 36,2 min şəxsə əlillik təyinatı aparılıb. Bu barədə Əmək və Əhalinin Sosial Müdafiəsi Nazirliyi məlumat verib.

Nazirliyin açıqlamasına görə, əlillik təyin edilən şəxslərdən 16,2 mininə ilkin, 20 mininə isə təkrar əlillik verilib.

Əlilliyin qiymətləndirilməsi səhiyyə müəssisələri tərəfindən elektron sistemə daxil edilən göndərişlər əsasında həyata keçirilir. Əlillik təyinatından sonra vətəndaşlara sosial ödənişlər də e-sistem üzərindən proaktiv qaydada təyin olunur.

Gülnar